WIKANG FILIPINO: SA MODERNONG HENERASYON
I. PANIMULA
“Ang hindi magmahal sa sariling wika ay higit sa hayop at malansang isda; kaya ating
pagyamanig kusa, gaya ng inang sa ating nagpala.” Isa sa pinaka tanyag na kataga
mula sa pambansang bayani na si Gat Jose Rizal. Isa itong makabuluhang payo para
sa maraming Pilipino upang bigyang halaga ang wikang pamana sa makabagong
henerasyon. Gabay ito sa maraming kabataang Pilipino na sinasabing mamamayan ng
kinabukasan upang madala ang wikang Filipino sa susunod pang mga henerasyon.
Mula noong panahon ng pananakop ng mga banyaga, naging makabuluhan na ang
wikang Filipino sa buhay ng maraming Pilipino. Ito ang naging panangga, sandata at
kalasag upang makamit ang kalayaang hinahangad. Sa pag usbong ng kabihasnan at
sa bawat dekadang lumilipas ay nag karoon rin ng pagbabago sa wikang kinagisnan
ng marami.
Ayon kay Dr. Pamela Constantino sa artikulo niyang Tagalog Pilipino / Filipino: Do
they Differ sa bisa ng Executive Order No 134 na nilagdaan ni Pangulong Quezon
noong Ika-30 ng Disyembre, 1937 ay kinilala ang Tagalog bilang basehan ng
pagbubuo ng Wikang Pambansa. Marahil ang pagkakaroon ng opisyal na wika ng
isang bansa ay siyang magiging tulay tungo sa matatag at matagumpay na
ekonomiya nito. Dagdag pa rito, ayon naman kay Dr. Aurora Batnag (Kabayan, 2001)
sapagkat ang Pilipinas ay multilinggwal at multicultural, nabubuklod ang ating mga
watak-watak na isla ng iisang mithiin na ipinapahayag hindi lamang sa maraming
tinig ng iba’t- ibang rehiyon kundi gayon din sa isahang midyum na Wikang Filipino.
Samakatuwid hindi matutumbasan ang papel ng wika sa pagtatangkang baguhin ang
kalagayan ng lipunan ng isang bansa. Hindi rin kayang baguhin, palitan, at malimutan
ng isang bansa ang wika nito dahil Malaki ang naging gampanin nito noon at
magpahanggang ngayon.
Samantala, ayon sa wikipediablog (2016) Malaki ang naiambag ng teknolohoya sa
pagbabago ng wikang filipino. Dahil dito nagkaroon na tayo ng tinatawag na social
media kung saan naipapahayag natin ang ating nadarama. Dahil din dito nabuo ang
ibat-ibang uri ng paggamit ng wika. Lubos tayong naimpluwensyahan ng internet.
Naghalo-halo ang ibat-ibang wika at nagresulta ito sa pagkabuo ng ibang uri ng klase
ng wika na madalas ng ginagamit ngayin sa social media lalung-lalo na ang mga
kabataan. Ginagamit nila ito sa pag-post sa facebook, pag change ng status, pag-
comment at iba pa.
Tunay nga na Malaki rin ang na iambag ng teknolohiya at modernisasyon upang
umusbong ang mga balbal na salita.
Si Carroll (1964) ay nagpapahayag na ang wika ay isang sistema ng mga sagisag na
binubuo at tinatanggap ng lipunan. Ito ay resulta ng unti-unting paglilinang sa loob ng
