BERRIEN IDAZKERA PRENTSAN
ARIKETA 7
Ematen zaizkizun datuekin, idatzi albiste baten sarrera, titulua eta
azpititulua biharko egunkarirako. Datuak ez daude ordenaturik. Ikasleak
arretaz irakurri behar ditu eta sarrera idazteko egoki direnak aukeratu.
Barne Ministerioak azaldu duenez, droga mota horretan Polizia Nazionalak azken
urteetan egin duen atzemate handiena izan da gaurkoa.
Herbeheretik zetorren kargamentua eta droga loreen artean ezkutatuta zekarten.
Polizia Nazionalak atzemandako anfetamina sulfatoagaz 400.000 speed dosi atera
zitezkeen.
Tankera horretako droga garraioak Burgosen helbideratuta zegoen herbeheretar
batek zuzendutako logistika enpresa baten azpian ezkutatzen ziren, Espainiako
Barne Ministerioak jakinarazi duenez.
Enpresak kamioiko flota bat zuen eta sarritan egiten zituen Herbeheretatik
Espainiar Estatuko hainbat puntutara joan-etorriak. Herbeheretar horrek berak
antolatzen zituen bidalketak eta normalean joan-etorriak Espainiar Estatuko
iparraldera egiten ziren; gehienbat Euskal Herrira.
Garraio enpresako buruzagiak bere bizilekua utzi eta bere enpresako kamioi
batean Herbehereetarako bidea hartu zuela jakin zuten ikertzaileek; han lore
kargamentu bat jaso behar zuen Espainiar Estatura ekartzeko.
Bidaia hori speed-a ekartzeko aprobetxatuko zuela susmatzen zutenez, Irungo
mugan zaintza talde bat ezarri dute gaur. Han herbeheretar hori kamioi barruan
muga pasatzen ikusi dute ondoan beste pertsona bat zeramala. Atzetik jarraitu
dute kamioia eta Durangora ailegatzean, agenteek kamioia geratzea eta
kargamentua arakatzea erabaki dute.
Barruan, lore kargamentuaren artean, 102 kilo speed aurkitu dute lau poltsatan
banatuta. Orduan, enpresaria eta harekin zihoan laguna (enpresako gidaria)
atxilotu dituzte. Ondoren, herbeheretarraren etxea miatu dute eta bere emaztea eta
beste gidari bat atxilotu dituzte.
OLATZ PEÑA
Herbehereetatik zetorren droga kargamentua atzeman dute Bizkaian
Poliziak kamioi horrek droga ekarriko zuelaren susmoa zuenez, Irungo mugan
zaintza taldea jarri zuten
Herbehereetatik zetorren droga kargamentua gelditu zuten atzo Durangon
(Bizkaia). Polizia Nazionalak kamioia speed-a ekarriko zuela susmatzen zutenez,
Irungo mugan zaintza taldea jarri zuten. Irunetik kamioia jarraitu eta Durangon
